घरांचा आकार चौकोनी किंवा आयताकृती का असावा ?

          आपण जर भारतीय हवामानानुसार, भौगोलिक परिस्थितीनुसार जर बारकाईने विचार केला तर सर्व प्रथम आपण समशीतोष्ण कटिबंधीय प्रदेशामध्ये राहतो याचा अर्थ काय ? तर भारता मध्ये तीनही ऋतुमान सम प्रमाणात आढळतात. चार महिने पावसाळा,चार महिने हिवाळा आणि चार महिने उन्हाळा याचा अर्थ हे तिन्ही ऋतू सम प्रमाणात आपल्या वास्तूवर आणि आपल्या शरीरावर परिणाम करत असतात म्हणूनच बहुदा आपल्या पूर्वजांनी आपल्या ऋतुमानानुसार आपला आहार देखील निश्चित केला आहे . तो सम प्रमाणात राहावा आपल्या शरीराला पोषक आहार मिळावा म्हणून आपले सण देखील त्याच पद्धतीने त्या ऋतूला साजेसा आहार घेऊन साजरे करतो मग अशा स्तिथीत आपल्या वास्तूला पण या तीनही ऋतूंचा सम प्रमाणात मारा होऊन ती समतोल रहावी. या पृथ्वी वरील पंचमहाभूतांचा (जल,वायू ,अग्नी ,आकाश आणि जमीन ) समतोल राहावा. हा समतोलपणा चौकोन किंवा आयत हाच आकार सांभाळू शकतो.                                                            तसेच पृथ्वी वर होणारा गुरुत्वाकर्षणाचा मारा हा पृथ्वीच्या उत्तर अक्षांशा पासून दक्षिण अक्षांशाकडे होत असतो आता पृथ्वीचा उत्तर अक्षांश हा २३ अंशाने कललेला आहे. म्हणजेच हा  गुरुत्वाकर्षणाचा मारा आपल्या वास्तूवर आणि आपल्या शरीरावर ईशान्य दिशेकडून नैऋत्य दिशेकडे होत असतो . हा होणारा  मारा देखील आपल्या वास्तूवर समतोल राहावा म्हणून भारतामधली घरे ही चौकोनात किंवा आयताकृती आकारातच बांधली जात होती .                                      तसे जर नसते तर आपणही आपली घरे इग्लू सारखी गोलाकार ,तंबूंची घरे  किंवा झाडावरची घरे बांधली असती अशा घरांमध्ये आपण का बरे राहत नाही ?कारण या प्रकारची घरे आपल्या वातावरणाला पोषक नाही आहेत.                                 सध्य स्तिथीला आपण ज्या घरांमध्ये राहत आहोत त्याचे आकार आपण कधी बारकाईने पहिले का ?